Hummer-in qayıdışı barədə şayiələr təxminən 2019-cu ilin ortalarında fəal şəkildə yayılmağa başladı. Elə o zaman aydın oldu ki, yeni yolsuzluq avtomobili qlobal trendlərə uyğun olaraq daxiliyanma mühərrikindən elektrik mühərrikləri xeyrinə imtina edəcək. Ümumiyyətlə, bu, məntiqlidir, çünki GM ekoloji təmizlik kartını oynayaraq yeni Hummer-i onun qarınqulu sələflərinə qarşı qoya bilərdi. Və nəhayət, 2020-ci ilin oktyabrında şirkət GMC Hummer EV-ni rəsmi olaraq təqdim etdi.
Özü üçün yeni olan dünyaya Hummer müstəqil brend kimi deyil, GMC-nin ayrıca modeli kimi qayıtdı. Yolsuzluq avtomobilinin qəsdən kobud görünüşü saxlanılıb, lakin içəridəki hər şey — əsl hay-tekdir. Pikapın ən yüksək versiyasında üç elektrik mühərriki (1014 a.g.), adaptiv pnevmatik asqı, maşının diaqonal istiqamətdə hərəkət edə bildiyi CrabWalk rejimi və 18 (!) dairəvi görüntü kamerası var. Hətta multimedia sistemi də tam adi deyil: o, Unreal Engine oyun mühərrikində işləyir.
Və bütün bunlar deyəsən yolsuzluqda da kifayət qədər yaxşı işləməlidir. Hummer EV-nin dib hissəsi, o cümlədən batareya və asqı elementləri polad təbəqələrlə örtülüb. Pikap 45 santimetrlik pillələrdən və dərinliyi 660-dan 813 millimetrədək olan sukeçidlərindən qorxmur. Kuzovu ehtiyac olduqda əlavə 149 millimetr qaldırmaq olar (pnevmodayaqların ən yuxarı vəziyyətində yol klirensi 404 mm-ə bərabərdir), rəqəmsal «cihazlar panelinə» isə təkərlərə ötürülən fırlanma momenti, kuzovun maillik bucaqları, ön oxda diferensial kilidinin işi barədə məlumat, kompas və daha çox şey çıxarmaq mümkündür.
Hummer EV pikapının Ştatlarda satışına 2021-ci ilin payızında başlanacaq. Bazara ilk olaraq ən bahalı və güclü variant — Edition One çıxacaq. Bu maşın zəngin təchizata malik olacaq və 113 000 dollara (8,7 milyon rubl) başa gələcək. Daha sadə versiya 2022-ci ilin payızında görünəcək, iki elektrik mühərrikli və 400 kilometr yürüş ehtiyatına malik başlanğıc Hummer EV2X-in debütü isə 2024-cü ilin yazına planlaşdırılır.
