Kult yolsuzluq avtomobili Land Rover Defender-in Britaniya mənşəyinə şübhə yoxdur. Lakin məhz müxtəlif kalibrli «Defender»lərin təkmilləşdirilməsi üzrə ixtisaslaşan, Amerika Birləşmiş Ştatlarından olan E.C.D. Automotive Design şirkəti öz layihəsinə beynəlxalq çalar verməyi qərara alıb.
Project Rowdy adlı layihə çərçivəsində yolsuzluq avtomobilinin mühərrik bölməsi LS3 ailəsinə aid 6,2 litrlik səkkizsilindrli mühərrikin yerləşdirilməsi üçün uyğunlaşdırılıb; bu mühərriklə həmçinin «xalqın Amerika superkarı» Chevrolet Corvette də təchiz olunur. «Defender»də mühərrik 565 at gücü inkişaf etdirir.
Bundan əlavə, tünerlər Land Rover Defender-in asqısını öz konstruksiyalarına məxsus pnevmatik elementlərlə modifikasiya ediblər, maşını BF Goodrich All-Terrain şinli 18 düymlük disklərə geyindiriblər, kuzovu isə inkişaf etmiş xarici təhlükəsizlik karkası ilə qoruyublar. İnteryerdə dəri bəzək, vintaj sükan çarxı və Recaro idman kresloları peyda olub
Project Rowdy-nin Fransanın şərabçılıq regionları ilə mənəvi bağlılığına isə baqajın içindəkilər cavabdehdir. Yük sahəsinə quraşdırılmış xüsusi sandıqda orijinal badələr dəsti və təbiət qoynunda düşünülmüş dequstasiya üçün lazım olan hər şey saxlanılır. Ədalət naminə qeyd edək ki, qab-qacaq dəsti adi çay süfrəsi təşkil etməyə də imkan verəcək.
