Model sırasında ikinci hibrid modifikasiya peyda olub. Onun güc aqreqatı yeni nəsil Toyota Corolla ailəsindən artıq tanışdır — bu, elektrik mühərriki və elektromexaniki variatorla tandemdə işləyən Dynamic Force seriyalı iki litrlik atmosfer mühərrikidir. Sistemin pik gücü — 184 a.g.: bu, bu günədək ən güclü Toyota C-HR-dır. Yeni versiyanın asqısı özünəməxsus, daha idmanlı sazlamalara malikdir.
Digər variantlar sırada qalıb: baza 1.2 turbomühərriki (115 a.g.), ABŞ və Rusiya kimi bazarlar üçün iki litrlik atmosfer mühərriki (148 a.g.), eləcə də 1.8 mühərrikli və pik gücü 122 a.g. olan ilkin hibrid. Tam ötürücünü əvvəlki kimi yalnız 1.2 turbomühərriki ilə sifariş etmək olar.
Yenilənmiş Toyota C-HR həmçinin gücləndirilmiş salon səs izolyasiyası, yenidən sazlanmış elektrik sükan gücləndiricisi və Apple CarPlay və Android Auto funksiyalı yeni media sistemi alıb. Amerikada və Avropada belə krossoverlər yaxın aylarda peyda olacaq, baxmayaraq ki, güclü hibrid amerikalılara təklif olunmayacaq. Modernləşdirilmiş maşınlar Azərbaycana daha gec gəlib çatacaq.
